ಈ ಆಹಾರಗಳ ಸೇವನೆ ರಕ್ತದೊತ್ತಡ ಕಂಟ್ರೋಲ್ ಮಾಡಲು ಉತ್ತಮ

 

ಈಗಿನ ಧಾವಂತದ ಜೀವನಶೈಲಿಯಲ್ಲಿ ಜನರಲ್ಲಿರಕ್ತದೊತ್ತಡ ಸಮಸ್ಯೆ ಸರ್ವೆಸಾಮಾನ್ಯವಾಗಿದೆ. ಅದರಲ್ಲೂ ಯುವಜನರಲ್ಲಿ ಹೆಚ್ಚಾಗಿ ರಕ್ತದೋತ್ತಡ ಕಂಡುಬರುತ್ತಿರುವುದು ಗಂಭೀರ ಸಮಸ್ಯೆಯಾಗಿ ಪರಿಣಮಿಸಿದೆ.

ಆಧುನಿಕ ಜೀವನಶೈಲಿ, ಆಹಾರ ಪದ್ದತಿ, ಮಾನಸಿಕ ಒತ್ತಡಗಳಿಂದ ನಮ್ಮ ರಕ್ತದೊತ್ತಡದಲ್ಲಿ ಏರಿಳಿತವಾಗುತ್ತದೆ. 

ಆರೋಗ್ಯಕರವಾದ ನಿಯಮಿತ ಆಹಾರ ಪದ್ದತಿಯ ಮೂಲಕ ಬಿಪಿ ಕಂಟ್ರೋಲ್ನಲ್ಲಿಟ್ಟುಕೊಳ್ಳಬಹುದು. ನಮ್ಮ ಸುತ್ತಮುತ್ತಲಿನ ಪರಿಸರವೇ ನಮ್ಮ ಬಿಪಿ ಕಂಟ್ರೋಲ್ ಮಾಡಲು ಬೇಕಾದ ಅಗತ್ಯ ಆಹಾರ ವಸ್ತುಗಳನ್ನು ಹೊಂದಿದೆ. ಇದರ ಬಗ್ಗೆ ಒಂದಿಷ್ಟು ಮಾಹಿತಿ ತಿಳಿಯೋಣ.

ಸಿಹಿಗುಂಬಳ ಕಾಯಿ ಮತ್ತು ಅದರ ಬೀಜ: 

ಇದರಲ್ಲಿ ಆಂಟಿ ಆಕ್ಸೈಡೆನ್ಸ್ ಹಾಗೂ ಫೈಬರ್ ಇರುವುದರಿಂದ ರಕ್ತದೊತ್ತಡವನ್ನು ಸಮತೋಲನದಲ್ಲಿಡಲು ನೆರವಾಗುತ್ತದೆ. ಸಿಹಿಗುಂಬಳಕಾಯಿಯ ಬೀಜದ ಹುಡಿ ಮನುಷ್ಯರು ಹಾಗೂ ಪ್ರಾಣಿಗಳಲ್ಲಿಯೂ ರಕ್ತದೊತ್ತಡ ಸಮತೋಲನ ಮಾಡಲು ಸಹಕಾರಿ.

ಮೀನು, ಏಡಿ, ಸಿಗಡಿ ಇತ್ಯಾದಿ: 

ಸೀಪುಡ್ ಪ್ರೋಟೀನ್ ಹೆಚ್ಚಾಗಿರುತ್ತದೆ. ಮೀನು, ಚಿಪ್ಪು ಮೀನುಗಳು, ಏಡಿ, ಸಿಗಡಿಗಳಲ್ಲಿ ಆರೋಗ್ಯಕರ ಫಾಟ್, ಮಿನರಲ್ಸ್, ವಿಟಮಿನ್ಸ್ಗಳಿರುತ್ತದೆ ವಿಶೇಷವಾಗಿ ಸಾಲ್ಮನ್ ಆಂಟಿಆಕ್ಸಿಡೆಂಟ್ ಹೆಚ್ಚಾಗಿರುತ್ತದೆ ಇದು ರಕ್ತದೊತ್ತಡವನ್ನು ಕಂಟ್ರೋಲ್ ಮಾಡುತ್ತದೆ ಆಹಾರ ಜೀರ್ಣವಾಗುವುದಕ್ಕೂ ನೆರವಾಗುವುದರ ಜೊತೆಗೆ ಡಯಾಬಿಟೀಸ್ ಹೆಚ್ಚುವುದನ್ನು ನಿಯಂತ್ರಣದಲ್ಲಿರುತ್ತದೆ. ಹಾಗೆಯೇ ಮೀನಿನ ಖಾದ್ಯಗಳನ್ನು ಸೇವಿಸುದರಿಂದ ಬಿಪಿ ಕಂಟ್ರೋಲ್ನಲ್ಲಿಡಬಹುದು

ಒಣ ಬೀಜಗಳು

ಬಾದಾಮಿ, ಬಟಾಣಿ, ಶೇಂಗಾ ಅಥವಾ ನೆಲಗಡಲೆ ಇವುಗಳು ಬಿಪಿ ಕಂಟ್ರೋಲಲ್ಲಿಡಲು ನೆರವಾಗುತ್ತದೆ. 

ಬ್ರೊಕಾಲಿ: 

ಬ್ರೊಕಾಲಿಯಲ್ಲಿ ಸಲ್ಫೊರಫೇನ್ ಎಂಬ ಅಂಶ ಇರುತ್ತದೆ. ಇದು ಬ್ರಕಾಲಿ ಕತ್ತರಿಸಿದಾಗ ಅಥವಾ ಜಗಿದಾಗ ಹೊರಬರುತ್ತದೆ. ಇದು ಬಿಪಿ ಕಡಿಮೆ ಮಾಡಲು ನೆರವಾಗುತ್ತದೆ. ಹಾಗೆಯೇ ಇದರಲ್ಲಿ ಆಂಟಿ-ಡಯಾಬಿಟಿಕ್ ಅಂಶವೂ ಇದೆ ಎನ್ನಲಾಗುತ್ತಿದೆ.

ಬೆಂಡೆಕಾಯಿ: 

ಓಕ್ರಾ ಅಥವಾ ಬೆಂಡೆಕಾಯಿಯಲ್ಲಿ ಫ್ಲೆವೋನಾಯ್ಡ್ ಎಂಬ ಅಂಶವಿರುತ್ತದೆ. ಟರ್ಕಿಯಂತಹ ರಾಷ್ಟ್ರದಲ್ಲಿ ಓಕ್ರಾ ಬೀಜಗಳನ್ನು ಡಯಾಬಿಟೀಸ್ ಚಿಕಿತ್ಸೆಗೆ ಬಳಸುತ್ತಾರೆ. ಇದು ರಕ್ತದೊತ್ತಡ ಕಡಿಮೆ ಮಾಡುವುದಕ್ಕೂ ನೆರವಾಗುತ್ತದೆ.

ದವಸ ಧಾನ್ಯಗಳು: 

ಬೀನ್ಸ್ ಹಾಗೂ ಧವಸ ಧಾನ್ಯಗಳು ನಿಮ್ಮನ್ನು ಆರೋಗ್ಯವಾಗಿಡುವುದು ಮಾತ್ರವಲ್ಲದೆ...ಬಿಪಿಯನ್ನು ಕಡಿಮೆ ಮಾಡುತ್ತದೆ. ಡಯಬಿಟೀಸ್ ಹೆಚ್ಚುವುದನ್ನು ಇದು ನಿಯಂತ್ರಿಸುತ್ತದೆ. ಕಪ್ಪು ಬೀನ್ಸ್ ನಿಮ್ಮ ಆಹಾರದಲ್ಲಿ ಸೇರಿಸುವುದರಿಂದ ಬಿಪಿ ನಿಯಂತ್ರಿಸಬಹುದು.

ಮೊಟ್ಟೆ: 

ಮೊಟ್ಟೆಗಳಲ್ಲಿ ಆರೋಗ್ಯಕರ ಫ್ಯಾಟ್, ವಿಟಮಿನ್,ಮಿನರಲ್ಸ್ಗಳಿರುತ್ತದೆ. ಇದು ರಕ್ತದೊತ್ತಡ ನಿಯಂತ್ರಸಿಸುತ್ತದೆ. ಪ್ರತಿನ ದಿನ 1 ಅಥವಾ 2 ಮೊಟ್ಟೆ ಸೇವಿಸುವುದು ಆರೋಗ್ಯಕ್ಕೆ ಒಳ್ಳೆಯದು.

ಓಟ್ಸ್: 

ಓಟ್ಸ್‌ಗಳಲ್ಲಿ  ಸೊಲ್ಯುಬಲ್ಫೈಬರ್ ಇರುತ್ತದೆ. ಇದು ಕ್ರಮೇಣ ರಕ್ತದೊತ್ತಡ ನಿಯಂತ್ರಿಸಲು ನೆರವಾಗುತ್ತದೆ. ಬಿಪಿ ಹೆಚ್ಚಾಗುವುದನ್ನು ಇದು ತಡೆಯುತ್ತದೆ. 

ಚಿಯಾ ಬೀಜ: 

ಚಿಯಾ ಬೀಜಗಳನ್ನು ನಿಯಮಿತವಾಗಿ ಬಳಸುವವರು ಆರೋಗ್ಯವಾಗಿರುತ್ತಾರೆ. ಅವರ ಬಿಪಿ ಕಂಟ್ರೋಲ್ನಲ್ಲಿರುತ್ತದೆ. ಇದು.ಟೈಪ್2 ಡಯಬಿಟೀಸ್ ಶಮನ ಮಾಡುತ್ತದೆ.

ಫ್ಲಾಕ್ಸ್ ಬೀಜಗಳು: 

ಇದರಲ್ಲಿ ಆರೋಗ್ಯಕರ ಫ್ಯಾಟ್ ಹಾಘೂ ಫೈಬರ್ ಇರುತ್ತದೆ. ಇದು ದೇಹಕ್ಕೆ ರಕ್ತದೊತ್ತಡ ನಿಯಂತ್ರಿಸಲು ನೆರವಾಗುತ್ತದೆ. ಪ್ರತಿದಿನ 30 ಗ್ರಾಂ ಫ್ಲಕ್ಸ್ ಸೀಡ್ ಸೇವಿಸಿದರೆ ಬಿಪಿ ನಿಯಂತ್ರಣಕ್ಕೆ ಸಹಕಾರಿ.