ಉಪವಾಸ ಎಂದರೇನು?
ಸಾಮಾನ್ಯವಾಗಿ ತಿನ್ನುವ ಆಹಾರ ವನ್ನು ಲಘು ಆಹಾರಕ್ಕೆ ಬದಲಾಯಿಸಿದಾಗ ಇದನ್ನು ಉಪವಾಸ ಎಂದು ಪರಿಗಣಿಸಲಾಗುತ್ತದೆ. ಉದಾಹರಣೆಗೆ, ಹಿಂದೂಗಳು ಹಬ್ಬದ ಸಮಯದಲ್ಲಿ ಉಪವಾಸ ಮಾಡುತ್ತಾರೆ. ಹಾಗೂ ಧಾನ್ಯಗಳನ್ನು ತಿನ್ನುತ್ತಾರೆ. ಮುಸ್ಲಿಂಮರು ರಂಜಾನ್ ಸಮಯದಲ್ಲಿ ಸೂರ್ಯೋದಯಕ್ಕೆ ಮೊದಲು ಮತ್ತು ಸೂರ್ಯಾಸ್ತದ ನಂತರ ಮಾತ್ರ ತಿನ್ನುತ್ತಾರೆ. ಇದೆಲ್ಲವೂ ಉಪವಾಸ ಎಂದು ಕರೆಯಲ್ಪಡುತ್ತದೆ.
ಉಪವಾಸದ ಪ್ರಯೋಜನಗಳೇನು ?
ಉಪವಾಸದಿಂದ ಆರೋಗ್ಯಕ್ಕೆ ಕೆಲವೊಂದು ತೊಂದರೆಗಳಿದ್ದರೂ ಸರಿಯಾದ ರೀತಿಯಲ್ಲಿ ಉಪವಾಸ ಮಾಡವುದರಿಂದ ಹಲವು ಪ್ರಯೋಜಗಳೂ ಇವೆ. ಉಪವಾಸದ ಜೀರ್ಣಾಂಗ ವ್ಯವಸ್ಥೆಗೆ ,ತುಸು ವಿರಾಮವನ್ನು ನೀಡುತ್ತದೆ. ಉಪವಾಸವು ಉತ್ಕರ್ಷಣ ನಿರೋಧಕ ಸಮೃದ್ಧವಾಗಿರುವ ಆಹಾರ ಮತ್ತು ಹಣ್ಣು ತರಕಾರಿ ಸೇವನೆಯನ್ನು ಒಳಗೊಂಡಿರುತ್ತದೆ. ಇದು ದೇಹದಲ್ಲಿನ ಆಕ್ಸಿಡೇಟಿವ್ ಒತ್ತಡವನ್ನು ಕಡಿಮೆ ಮಾಡುತ್ತದೆ. ಇದು ತೂಕ ನಷ್ಟಕ್ಕೆ ಸಹಾಯ ಮಾಡುತ್ತದೆ. ಆಮ್ಲೀಯತೆ, ಉಬ್ಬುವುದು, ಮಲಬದ್ಧತೆ ಮೊದಲಾದ ಸಮಸ್ಯೆ ಕಾಡುವುದಿಲ್ಲ. ನೀವು ಉಪವಾಸ ಮಾಡುತ್ತಿದ್ದರೆ, ಪೋಷಕಾಂಶಗಳನ್ನು ಸಮತೋಲನಗೊಳಿಸುವುದು ಮುಖ್ಯವಾಗಿದೆ. ಉಪವಾಸದ ಸಮಯದಲ್ಲಿ ಹಣ್ಣುಗಳು ಅಥವಾ ಖರ್ಜೂರಗಳನ್ನು ತಿನ್ನಿರಿ. ಸಾಕಷ್ಟು ನೀರು, ಶರಬತ್ತು, ತೆಂಗಿನ ನೀರನ್ನು ಕುಡಿಯಿರಿ.
ಹಸಿವು ಎಂದರೇನು ?
ಹಸಿವು ತೂಕವನ್ನು ಕಳೆದುಕೊಳ್ಳುವ ಸಲುವಾಗಿ ಕಾರ್ಬೋಹೈಡ್ರೇಟ್ಗಳು, ಪ್ರೋಟೀನ್ ಮತ್ತು ಕೊಬ್ಬಿನ ವಿಷಯದಲ್ಲಿ "ಕ್ಯಾಲೋರಿಗಳ" ಅಭಾವವಾಗಿದೆ. ಇದರ ಹಿಂದೆ ಯಾವುದೇ ಮಾದರಿ ಮತ್ತು ವೈಜ್ಞಾನಿಕ ವಿವರಣೆ ಇಲ್ಲ. ಹಾಗೆ, ಹಯಾತ್ ವಿಷಯದಲ್ಲಿ, ಅವಳು ಉಪವಾಸದ ಹೆಸರಿನಲ್ಲಿ ಹಸಿವಿನಿಂದ ಬಳಲುತ್ತಿದ್ದಳು, ಅವಳ ಉಪ್ಪಿನ ಮಟ್ಟವು ಆತಂಕಕಾರಿ ಮಟ್ಟಕ್ಕೆ ಇಳಿಯಿತು. ಆಹಾರದಿಂದ ನಿಮ್ಮನ್ನು ವಂಚಿತಗೊಳಿಸುವ ಮೂಲಕ ನೀವು ದೇಹವನ್ನು ಶುದ್ಧೀಕರಿಸುವ ಅಭ್ಯಾಸದಲ್ಲಿ ಪಾಲ್ಗೊಳ್ಳಲು ಸಾಧ್ಯವಿಲ್ಲ.
ಹಸಿವು ಆರೋಗ್ಯದ ಮೇಲೆ ಹೇಗೆ ಪ್ರತಿಕೂಲ ಪರಿಣಾಮ ಬೀರಬಹುದು?
ಹಸಿವು ಎಂಬುದು ದೇಹದಲ್ಲಿ ಉಂಟಾಗುವ ಕಾರ್ಬೋಹೈಡ್ರೇಟ್ಗಳು, ಕೊಬ್ಬುಗಳು ಮತ್ತು ಪ್ರೋಟೀನ್, ಕ್ಯಾಲೋರಿಗಳ ಅಭಾವವಾಗಿದೆ. ಇದು ಚೈತನ್ಯವನ್ನು ಕಡಿಮೆ ಮಾಡಿ ದೇಹವನ್ನು ದುರ್ಬಲಗೊಳಿಸುತ್ತದೆ. ಪರಿಣಾಮಕಾರಿ, ಶಾಶ್ವತ ಸಮರ್ಥನೀಯ ತೂಕ ನಷ್ಟಕ್ಕೆ ಸಹಾಯ ಮಾಡುವುದಿಲ್ಲ. ಇದು ದೇಹದಲ್ಲಿ ಗೊಂದಲ ಮತ್ತು ಒತ್ತಡವನ್ನು ಉಂಟುಮಾಡುತ್ತದೆ. ದೇಹವನ್ನು ಸೂಕ್ಷ್ಮ ಪೋಷಕಾಂಶಗಳಾದ ಕ್ಯಾಲ್ಸಿಯಂ, ಕಬ್ಬಿಣ,ಸೆಲೆನಿಯಮ್,ಸತು ಮೊದಲಾದವುಗಳಿಂದ ದೂರವಿಡುತ್ತದೆ. ಹಸಿವಿನಿಂದ ಇರುವ ಅಭ್ಯಾಸ ಮೂಡ್ ಸ್ವಿಂಗ್, ಕಿರಿಕಿರಿ, ಕೂದಲು ಉದುರುವಿಕೆ ಮತ್ತು ತೆಳು ಚರ್ಮ, ರಕ್ತದ ಸಕ್ಕರೆಯಲ್ಲಿ ಏರಿಳಿತ, ಕಡಿಮೆ ರಕ್ತದೊತ್ತಡ ಮತ್ತು ಆಯಾಸವನ್ನುಂಟು ಮಾಡುತ್ತದೆ.