ಮಳೆಯ ದಿನದ ನಡುವೆ ಗರಿಗರಿಯಾದ
ತಿಂಡಿಗಳ ಜೊತೆಗೆ ಒಂದು ಕಪ್ ಚಹಾವನ್ನು ಸೇವಿಸುವುದು ಉತ್ತಮವಾದ ಭಾವನೆ. ಹೊರಗೆ ಮಳೆ ಸುರಿಯುತ್ತಿರುವಾಗ,
ಮನಸ್ಸು ಒಂದು ಕಪ್ ಚಹಾ ಮತ್ತು ರುಚಿಕರವಾದ ತಿಂಡಿ ಬೇಕು ಅನ್ನಿಸುತ್ತದೆ.
ನೀವು ಸ್ಟ್ರೀಟ್-ಸ್ಟೈಲ್
ಟಿಕ್ಕಿಯನ್ನು ಇಷ್ಟಪಟ್ಟರೆ ಅಥವಾ ನೀವು ಇಷ್ಟಪಡದಿದ್ದರೂ ಸಹ, ಈ ಪಾಕವಿಧಾನವು ನಿಮಗೆ ಇಷ್ಟವಾಗೋದು
ಖಂಡಿತ. ಎಲ್ಲಕ್ಕಿಂತ ಮುಖ್ಯವಾದ ಅಂಶವೆಂದರೆ ಇದನ್ನು ತಯಾರಿಸಲು ಮುಖ್ಯವಾಗಿ ಬೇಯಿಸಿದ ಅನ್ನವಿದ್ದರೆ
ಸಾಕು. ಕೆಲವೊಮ್ಮೆ ಬೇಯಿಸಿದ ಅನ್ನ ಮಿಕ್ಕಿರುತ್ತದೆ. ಇನ್ನೂ ಕೆಲವೊಮ್ಮೆ ಮನೆಗೆ ಯಾರೋ ಬರ್ತಾರೆ ಎಂದು
ಹೆಚ್ಚು ಅನ್ನ ಮಾಡಿ ಅದು ಖಾಲಿಯಾಗದ ಕಾರಣ ಏನು ಮಾಡಬೇಕೆಂದು ಯೋಜಿಸುತ್ತೇವೆ. ಇಂಥಾ ಸಂದರ್ಭದಲ್ಲಿ
ಅನ್ನ ವೇಸ್ಟ್ ಆಗದಂತೆ, ಅದೇ ಅನ್ನವನ್ನು ಬಳಸಿಕೊಂಡು ರುಚಿಕರವಾದ ಸ್ನ್ಯಾಕ್ಸ್‌ನ್ನು ತಯಾರಿಸಬಹುದು.
ತಯಾರಿಸಲು ನಿಮಗೆ ಬೇಕಾಗಿರುವುದು ಉಳಿದಿರುವ ಬೇಯಿಸಿದ ಅನ್ನ, ಕೆಲವು ತರಕಾರಿಗಳು ಬೈಂಡ್ ಮಾಡಲು ರವೆ
ಮತ್ತು ಮಸಾಲೆಗಳು ಅಷ್ಟೇ.
ಮಿಕ್ಕಿದ ಅನ್ನದ ರೈಸ್ ಟಿಕ್ಕಿ
ರೆಸಿಪಿ
ಉಳಿದ ಅನ್ನದ ಟಿಕ್ಕಿ ಮಾಡಲು ಬೇಕಾದ ಪದಾರ್ಥಗಳು
2 ಬೌಲ್ ಬೇಯಿಸಿದ ಅನ್ನ
1 ಕಪ್ ರವೆ (ಬೈಂಡ್ ಮಾಡಲು)
2 ಕತ್ತರಿಸಿದ ಹಸಿರು ಮೆಣಸಿನಕಾಯಿಗಳು
1 ಕತ್ತರಿಸಿದ ಈರುಳ್ಳಿ
1 ಕತ್ತರಿಸಿದ ಕ್ಯಾರೆಟ್
2 ಚಮಚ ಬೇಯಿಸಿದ ಮತ್ತು ಹಿಸುಕಿದ ಹಸಿರು ಬಟಾಣಿ
1 ಬೇಯಿಸಿದ ಆಲೂಗಡ್ಡೆ
1 ಟೀಸ್ಪೂನ್ ಕೆಂಪು ಮೆಣಸಿನ ಪುಡಿ
1 ಟೀಸ್ಪೂನ್ ಗರಂ ಮಸಾಲ
ರುಚಿಗೆ ತಕ್ಕಷ್ಟು ಉಪ್ಪು
ಅಕ್ಕಿ ಟಿಕ್ಕಿ ಮಾಡುವ ಹಂತಗಳು:
ಈ ಪಾಕವಿಧಾನವನ್ನು ಪ್ರಾರಂಭಿಸಲು, ಬಾಣಲೆಯಲ್ಲಿ ಎಣ್ಣೆಯನ್ನು ಬಿಸಿ ಮಾಡಿ, ಹಸಿರು ಮೆಣಸಿನಕಾಯಿ ಮತ್ತು
ಕತ್ತರಿಸಿದ ಈರುಳ್ಳಿ ಸೇರಿಸಿ. 5-6 ನಿಮಿಷಗಳ ಕಾಲ ಚೆನ್ನಾಗಿ ಹುರಿಯಿರಿ. ಈಗ ಉಳಿದ ಎಲ್ಲಾ ತರಕಾರಿಗಳನ್ನು
ಸೇರಿಸಿ ಮತ್ತು 3-4 ನಿಮಿಷ ಬೇಯಿಸಿ. ಮಿಕ್ಸಿಂಗ್ ಬೌಲ್ ತೆಗೆದುಕೊಂಡು, ಬೇಯಿಸಿದ ಅನ್ನ, ಸಿದ್ಧಪಡಿಸಿದ
ಸಸ್ಯಾಹಾರಿ ಮಿಶ್ರಣ, ರವೆ, ಗರಂ ಮಸಾಲಾ ಪುಡಿ, ಕೆಂಪು ಮೆಣಸಿನ ಪುಡಿ, ಉಪ್ಪು ಸೇರಿಸಿ ಚೆನ್ನಾಗಿ
ಮಿಶ್ರಣ ಮಾಡಿ.
ಮಿಶ್ರಣದಿಂದ ಸ್ವಲ್ಪ ಭಾಗವನ್ನು ತೆಗೆದುಕೊಂಡು ಅದನ್ನು ಟಿಕ್ಕಿ ರೂಪದಲ್ಲಿ
ತಟ್ಟಿ ರೆಡಿ ಮಾಡಿ. ಉಳಿದ ತರಕಾರಿ ಮಿಶ್ರಣದೊಂದಿಗೆ ಈಗ ಅದೇ ಹಂತಗಳನ್ನು ಪುನರಾವರ್ತಿಸಿ. ಟಿಕ್ಕಿಗಳನ್ನು
ಎರಡೂ ಬದಿಗಳಿಂದ ಶಾಲೋ ಫ್ರೈ ಮಾಡಿ. ಬಿಸಿಬಿಸಿಯಾಗಿದ್ದಾಗಲೇ ಕೆಚಪ್‌ನೊಂದಿಗೆ ಸವಿಯಿರಿ