ಇದಲ್ಲದೆ, ಮೂತ್ರಪಿಂಡಗಳು
ನಮ್ಮ ರಕ್ತದಲ್ಲಿನ ನೀರು ಮತ್ತು ಖನಿಜಗಳಾದ ಸೋಡಿಯಂ, ಕ್ಯಾಲ್ಸಿಯಂ, ರಂಜಕ ಮತ್ತು ಪೊಟ್ಯಾಸಿಯಮ್ ಅನ್ನು
ಸಮತೋಲನದಲ್ಲಿಡಲು ಸಹಾಯ ಮಾಡುತ್ತೆ. ಮೂತ್ರಪಿಂಡದಲ್ಲಿನ ಯಾವುದೇ ರೀತಿಯ ಸಮಸ್ಯೆಯು ಅದರ ಸಾಮಾನ್ಯ
ಕಾರ್ಯನಿರ್ವಹಣೆಯ ಮೇಲೆ ಹೆಚ್ಚಿನ ಪರಿಣಾಮ ಬೀರುತ್ತದೆ. ಈ ಕಾರಣದಿಂದಾಗಿ ದೇಹದಲ್ಲಿ ಅನೇಕ ರೀತಿಯಲ್ಲಿ
ವಿಷ ಹೆಚ್ಚುವ ಅಪಾಯವಿದೆ.
ಮೂತ್ರಕ್ಕೆ ಸಂಬಂಧಿಸಿದ
ರೋಗಲಕ್ಷಣಗಳು ಅಥವಾ ಹೊಟ್ಟೆ ನೋವು ಮಾತ್ರ. ಕಿಡ್ನಿ ಸಮಸ್ಯೆಯ ಲಕ್ಷಣಗಳು ಅಲ್ಲ ಎಂದು ವೈದ್ಯರು ಹೇಳುತ್ತಾರೆ.
ಕಿಡ್ನಿಯಲ್ಲಿ ಯಾವುದೇ ರೀತಿಯ ಸಮಸ್ಯೆ ಆದ್ರೆ ರಕ್ತದ
ಕಲ್ಮಶ ಹೆಚ್ಚಾಗಲು ಪ್ರಾರಂಭಿಸುತ್ತವೆ, ಇದರ ನೇರ ಪರಿಣಾಮ ಅನೇಕ ಅಂಗಗಳ ಮೇಲೆ ಕಾಣಬಹುದು. ಎಲ್ಲಾ
ಜನರು ಅದಕ್ಕೆ ಸಂಬಂಧಿಸಿದ ರೋಗಲಕ್ಷಣಗಳ ಬಗ್ಗೆ ಜಾಗರೂಕರಾಗಿರಲು ಮತ್ತು ಸಮಯಕ್ಕೆ ಸರಿಯಾಗಿ ಪರೀಕ್ಷಿಸಬೇಕು.
ಮೂತ್ರಪಿಂಡದ ಸಮಸ್ಯೆಗಳು
ಚರ್ಮ ಮತ್ತು ಕಣ್ಣುಗಳ ಮೇಲೆ ಹೇಗೆ ಪರಿಣಾಮ ಬೀರಬಹುದು ನೋಡೋಣ.
ಮೂತ್ರಪಿಂಡದ ಕಾಯಿಲೆಯಿಂದ
ಚರ್ಮದ ಸಮಸ್ಯೆಗಳು:
ಕಿಡ್ನಿ ಸರಿಯಾಗಿ ಕೆಲಸ ಮಾಡದೆ ಇದ್ರೆ ಚರ್ಮವು ಶುಷ್ಕ, ಫ್ಲೇಕಿ ಮತ್ತು ತುರಿಕೆಯಿಂದ ಕೂಡಿರುತ್ತೆ
ಎಂದು ಸಂಶೋಧಕರು ಹೇಳಿದ್ದಾರೆ. ಕಿಡ್ನಿಗಳು ರಕ್ತದಿಂದ ವಿಷವನ್ನು ಸೋಸಿ ಚರ್ಮಕ್ಕೆ ಶುದ್ಧ ರಕ್ತ ಕಳುಹಿಸುತ್ತವೆ.
ಅದು ಸರಿಯಾಗಿ ಕೆಲಸ ಮಾಡದಿದ್ದರೆ, ರಕ್ತದಲ್ಲಿನ ವಿಷ ಹೆಚ್ಚಾದಾಗ, ಅದು ಚರ್ಮಕ್ಕೆ ಸಂಬಂಧಿಸಿದ ಅನೇಕ
ಸಮಸ್ಯೆಗಳಿಗೆ ಕಾರಣವಾಗಬಹುದು. ರಕ್ತದಲ್ಲಿ ಹೆಚ್ಚಿದ ವಿಷವು ಗಂಭೀರ ಕಾಯಿಲೆಗಳಿಗೆ ಕಾರಣವಾಗಬಹುದು.
ಕಣ್ಣಿನ ಸಮಸ್ಯೆ:
ಚರ್ಮ ಮತ್ತು ಕಿಡ್ನಿ ಸಮಸ್ಯೆಗಳಿಂದಾಗಿ ಕಣ್ಣಿನ ಸಮಸ್ಯೆಗಳನ್ನು ಸಹ ಅನುಭವಿಸಬಹುದು. ನಿಮ್ಮ ಕಣ್ಣುಗಳ
ಸುತ್ತ ಊತ ಕಂಡೂ ಬಂದಿದ್ದು, ಕಣ್ಣಿನ ಪರೀಕ್ಷೆ ಮಾಡಿದಾಗಲೂ ಸಮಸ್ಯೆಗೆ ಕಾರಣ ಏನೆಂದು ತಿಳಿಯದಾಗ,
ಮೂತ್ರಪಿಂಡದ ಪರೀಕ್ಷೆ ಮಾಡೋದನ್ನು ಮರೆಯಬೇಡಿ ಎಂದು ವೈದ್ಯರು ಹೇಳುತ್ತಾರೆ.
ಕಿಡ್ನಿ ಸಮಸ್ಯೆಗಳ ಇತರ
ಲಕ್ಷಣಗಳು:
ದೇಹದ ಭಾಗಗಳಲ್ಲಿನ ಅಸಹಜ ಬದಲಾವಣೆ ಗಮನದಲ್ಲಿಟ್ಟುಕೊಂಡು ಕಿಡ್ನಿ ಸಮಸ್ಯೆಯನ್ನು ಅರ್ಥ ಮಾಡಿಕೊಳ್ಳಬಹುದು
ಎಂದು ವೈದ್ಯರು ಹೇಳುತ್ತಾರೆ. ಮೂತ್ರಪಿಂಡದ ಸಮಸ್ಯೆ ಅಥವಾ ಸರಿಯಾಗಿ ಕಾರ್ಯನಿರ್ವಹಿಸಲು ಸಾಧ್ಯವಾಗದಿದ್ದರೆ,
ಸ್ನಾಯು ನೋವು, ಉಸಿರಾಟದ ತೊಂದರೆ, ಆಗಾಗ್ಗೆ ಮೂತ್ರದ ಸೋಂಕುಗಳು ಮತ್ತು ಕಾಲುಗಳಲ್ಲಿ ಊತ ಮೊದಲಾದ
ಸಮಸ್ಯೆ ಕಾಣಿಸಿಕೊಳ್ಳುತ್ತೆ.
ಮೂತ್ರಪಿಂಡಗಳಿಗೆ ಸಂಬಂಧಿಸಿದ ಯಾವುದೇ ನಿರ್ಲಕ್ಷ್ಯವು ಗಂಭೀರ ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗಬಹುದು, ಎಲ್ಲಾ ಜನರು ಈ ಬಗ್ಗೆ ವಿಶೇಷ ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳಬೇಕು. ಹಾಗಿದ್ರೆ ಮಾತ್ರ ಉತ್ತಮ ಆರೋಗ್ಯ ಕಾಪಾಡಿಕೊಳ್ಳಲು ಸಾಧ್ಯವಾಗುತ್ತೆ. ಈ ಬಗ್ಗೆ ತಿಳಿದುಕೊಳ್ಳುವುದು ಅಗತ್ಯ.