ಕೋಪಕ್ಕೆ ಕೆಲವು ಕಾರಣಗಳಿವೆ
ಅದರಲ್ಲಿ ಕಚೇರಿಯ ಸಮಸ್ಯೆ,
ಕೌಟುಂಬಿಕ ಗಲಾಟೆ, ಮೋಸ ಮತ್ತು ಪ್ರೀತಿ ವೈಫಲ್ಯಗಳು ಕಾರಣವಾಗುತ್ತದೆ ಹಾಗೂ ನಾವು ತಿನ್ನುವ ಆಹಾರ ಕೂಡ ಕೋಪಕ್ಕೆ
ಕಾರಣವಾಗುತ್ತದೆ. ಯಾವ ಆಹಾರ ತಿಂದ್ರೆ ಸಿಟ್ಟನ್ನು ಹೆಚ್ಚು ಮಾಡುತ್ತೆ ಎಂದು ಹೇಳುತ್ತೇವೆ.
ಕೋಪ ತರಿಸುವ ಆಹಾರ
ಹೂಕೋಸು:
ಹೂಕೋಸು ತಿನ್ನುವುದರಿಂದ ಒಂದು ರೀತಿಯ ಕಾರ್ಬೋಹೈಡ್ರೇಟ್ ಆಗಿರುವ ರಾಫಿನೋಸ್ ಉತ್ಪತ್ತಿಯಾಗುತ್ತದೆ. ಇದ್ರಿಂದ ಗ್ಯಾಸ್ ಉತ್ಪತ್ತಿಯಾಗುತ್ತದೆ. ಹೊಟ್ಟೆ ಉಬ್ಬುವಿಕೆಯ ಅಪಾಯವಿರುತ್ತದೆ. ಇದು ನಿಮ್ಮ ಕೋಪಕ್ಕೆ ಕಾರಣವಾಗುತ್ತದೆ. ಬ್ರೊಕೊಲಿ ಸೇವನೆ ಮಾಡಿದ್ರೂ ಕೋಪ ಹೆಚ್ಚಾಗುವ ಸಾಧ್ಯತೆಯಿರುತ್ತದೆ.
ಉತ್ತಮ ಆರೋಗ್ಯಕ್ಕೆ ಡ್ರೈ ಫ್ರೂಟ್ಸ್ ಸೇವನೆ ಮಾಡುವಂತೆ ಎಲ್ಲರೂ ಸಲಹೆ ನೀಡ್ತಾರೆ. ಡ್ರೈ ಫ್ರೂಟ್ಸ್ ಆರೋಗ್ಯಕ್ಕೆ ಒಳ್ಳೆಯದು. ಆದ್ರೆ ಅವು ಕೂಡ ಕೋಪಕ್ಕೆ ಕಾರಣವಾಗಬಹುದು. ಆದ್ದರಿಂದ ಕೋಪ ಮಾಡಿಕೊಳ್ಳುವಾಗ ಡ್ರೈ ಫ್ರೂಟ್ಸ್ ತಿನ್ನಬೇಡಿ.
ಟೊಮೆಟೊ:
ಟೊಮೆಟೊ ಇಲ್ಲದೆ ಅಡುಗೆ ಇಲ್ಲ. ಪ್ರತಿಯೊಬ್ಬರ ಮನೆಯಲ್ಲೂ ಅತಿ ಹೆಚ್ಚು ಬಳಸುತ್ತಾರೆ . ಇದು ಆರೋಗ್ಯಕ್ಕೆ ಒಳ್ಳೆಯದು. ಆದರೆ ಇದು ದೇಹದಲ್ಲಿ ಶಾಖವನ್ನು ಹೆಚ್ಚಿಸುತ್ತದೆ ಮತ್ತು ವ್ಯಕ್ತಿಯ ಕೋಪಕ್ಕೆ ಕಾರಣವಾಗುತ್ತದೆ. ಬೇಗ ಕೋಪ ಬರುವವರು ಟೊಮೆಟೊ ಕಡಿಮೆ ತಿನ್ನುವುದು ಒಳ್ಳೆಯದು ಎನ್ನುತ್ತಾರೆ ತಜ್ಞರು.
ರಸಭರಿತವಾದ ಹಣ್ಣು:
ಸೌತೆಕಾಯಿ ಮತ್ತು ಕಲ್ಲಂಗಡಿ ನಮ್ಮ ದೇಹವನ್ನು ಹೈಡ್ರೀಕರಿಸುತ್ತದೆ. ಇದು ಡಯಟ್ ಆಹಾರ ಕೂಡ ಹೌದು. ಬೇಸಿಗೆಯಲ್ಲಿ ಅತಿ ಹೆಚ್ಚು ಸೇವನೆ ಮಾಡುವ ತರಕಾರಿ ಇದು. ಆದರೆ ಇದು ಕೋಪವನ್ನು ಹೆಚ್ಚಿಸಲು ಕಾರಣವಾಗಬಹುದು. ನೀವು ಒತ್ತಡದಲ್ಲಿದ್ದರೆ ಈ ರಸಭರಿತ ಹಣ್ಣುಗಳನ್ನು ತಿನ್ನಬೇಡಿ.
.jpeg)
ಬದನೆಕಾಯಿ:
ಬದನೆಯಲ್ಲಿ ಹೆಚ್ಚಿನ ಆಮ್ಲೀಯ ಅಂಶವಿದ್ದು ಅದು ನಿಮ್ಮ ಮನಸ್ಸಿನಲ್ಲಿ ಕೋಪವನ್ನು ಉಂಟುಮಾಡುತ್ತದೆ. ಈ ತರಕಾರಿ ತಿಂದ ನಂತರ ನಿಮಗೆ ಕೋಪ ಬರುತ್ತಿದೆ ಎಂದು ಬದನೆಕಾಯಿ ಸೇವನೆ ಕಡಿಮೆ ಮಾಡಿ.
ಚಿಪ್ಸ್:
ಆರೋಗ್ಯಕ್ಕೆ ಒಳ್ಳೆಯದಲ್ಲ ನಿಜ. ಆದ್ರೆ ಬಹುತೇಕರು ಚಿಪ್ಸ್ ತಿನ್ನಲು ಇಷ್ಟಪಡ್ತಾರೆ. ನಿಮಗೂ ಕೋಪ ಬರ್ತಾ ಇದ್ದು, ಹೆಚ್ಚು ಚಿಪ್ಸ್ ಸೇವನೆ ಮಾಡ್ತಿದ್ದರೆ ಇಂದೇ ಚಿಪ್ಸ್ ನಿಂದ ದೂರವಿರಿ. ಚಿಪ್ಸ್ ಕೂಡ ನಿಮ್ಮ ಕೋಪವನ್ನು ದುಪ್ಪಟ್ಟು ಮಾಡುತ್ತದೆ.
ಕಾಫಿ:
ಕಾಫಿ ಪ್ರೇಮಿಗಳ ಸಂಖ್ಯೆ ಹೆಚ್ಚ ಆಗಿದೆ ಮತ್ತು ವರ್ಕೌಟ್ ಮಾಡುವವರು, ಸೋಮಾರಿತನ ಅಥವಾ ಆಯಾಸದಿಂದ ಹೊರಗೆ ಬರಲು ಕಾಫಿಯನ್ನು ಹೆಚ್ಚು ಸೇವಿಸುತ್ತಾರೆ. ಕಾಫಿ ತಕ್ಷಣ ನಮ್ಮ ದೇಹಕ್ಕೆ ಶಕ್ತಿ ನೀಡುತ್ತದೆ. ಶಕ್ತಿಯು ಅಧಿಕವಾಗಿದ್ದಾಗ, ಅದು ಮೆದುಳನ್ನು ಪ್ರಚೋದಿಸುತ್ತದೆ ಮತ್ತು ಆಕ್ರಮಣಶೀಲತೆಯನ್ನು ಹೆಚ್ಚಿಸುತ್ತದೆ. ಇದ್ರಿಂದ ಕೋಪ ಕಾಣಿಸಿಕೊಳ್ಳುತ್ತದೆ.
ಹಾಲಿನ ಉತ್ಪನ್ನ – ಗೋಧಿ:
ಹಾಲಿನ ಉತ್ಪನ್ನಗಳು ಮತ್ತು ಗೋಧಿಯಲ್ಲಿ ಕಂಡುಬರುವ ಕೇಸೀನ್ ಕೋಪವನ್ನು ಹೆಚ್ಚಿಸಲು ಕಾರಣವಾಗುತ್ತದೆ. ಕೇಸಿನ್ ಆಕ್ರಮಣ ಶೀಲತೆಗೆ ಸಂಬಂಧಿಸಿದೆ. ಆದ್ದರಿಂದ, ಡೈರಿ ಉತ್ಪನ್ನಗಳು ಮತ್ತು ಗೋಧಿಯಿಂದ ಮಾಡಿದ ಆಹಾರವನ್ನು ನಿಗದಿತ ಪ್ರಮಾಣದಲ್ಲಿ ಸೇವಿಸಬೇಕು.