ಮಕ್ಕಳ ಬುದ್ದಿ ಚುರುಕು ಆಗಬೇಕು ಅಂದರೆ ನಮಗೆ ನೆನಪಾಗೋದು ಶಾಲೆ, ಶಿಕ್ಷಕರು ಮತ್ತು ಪೋಷಕರು. ಆದ್ರೆ ಇವರಿಂದ ಮಾತ್ರವಲ್ಲ, ಮಕ್ಕಳು ಕಥೆಯಿಂದಲೂ ಸಾಕಷ್ಟು ಕಲಿಯಬಲ್ಲರು. ಮಕ್ಕಳು ಶಾಲೆಯಲ್ಲಿ ಕಲಿಸುವ ವಿಷಯಗಳಲ್ಲಿ ಸಾಕಷ್ಟು ಜ್ಞಾನ ಪಡೆಯುತ್ತಾರೆ ಮತ್ತು ಹೇಗೆ ವರ್ತಿಸಬೇಕು, ಹಿರಿಯರಿಗೆ ಗೌರವ ಹೇಗೆ ನೀಡಬೇಕು ಎಂಬುದು ಕಲಿಯುತ್ತಾರೆ.
ಹಿಂದಿನ ಕಾಲದಲ್ಲಿ ಮಕ್ಕಳಿಗೆ ಮೊಬೈಲ್, ಟಿವಿ, ಡಿಜಿಟಲ್ ಮಾಧ್ಯಮವಿರಲಿಲ್ಲ. ಆಗ ಮಕ್ಕಳು ಆಟದ ಜೊತೆಗೆ ಕಥೆ ಪುಸ್ತಕಗಳನ್ನು ಓದುತ್ತಿದ್ದರು. ಇದರಿಂದ ಸಾಕಷ್ಟು ವಿಷಯಗಳನ್ನು ತಿಳಿಯುತ್ತಿದ್ದರು. ಪೌರಾಣಿಕ ವಿಷಯಗಳಿಂದ ಹಿಡಿದು ರಾಜಕೀಯ, ಬುದ್ಧಿವಂತಿಕೆ ಸೇರಿದಂತೆ ಸಾಕಷ್ಟು ಮಾಹಿತಿ ಸಂಗ್ರಹ ಮಾಡುತ್ತಿದ್ದರು. ನಿಮ್ಮ ಮಕ್ಕಳು ಕೂಡ ಬರೀ ಶಾಲೆ, ಕುಟುಂಬ ಹಾಗೂ ಸುತ್ತಮುತ್ತಲ ಪರಿಸರದಿಂದ ಮಾತ್ರವಲ್ಲದೆ ಕಥೆ ಪುಸ್ತಕ ಹಾಗೂ ಕಥೆ ವಿಡಿಯೋಗಳಿಂದ ಅನೇಕ ಪಾಠ ಕಲಿಯುತ್ತಾರೆ. ನೀವು, ನಿಮ್ಮ ಮಕ್ಕಳಿಗೆ ಕೆಲ ಹಾಸ್ಯ ಕಥೆಗಳ ಮೂಲಕ ಜೀವನದ ಕೆಲವು ಒಳ್ಳೆಯ ವಿಷಯಗಳನ್ನು ಕಲಿಸಬಹುದು ಮತ್ತು ಸವಾಲುಗಳನ್ನು ಎದುರಿಸಲು ಅವರನ್ನು ಸಿದ್ಧಪಡಿಸಬಹುದು. ಇಲ್ಲಿ ನಾವು ಮಕ್ಕಳ ಬುದ್ದಿ ಚುರುಕು ಆಗಬೇಕು ಅಂದ್ರೆ ಯಾವ ತರದ ಪುಸ್ತಕ ನೀಡಬೇಕು ಎಂದು ಹೇಳುತ್ತೇವೆ.
ತೆನಾಲಿ ರಾಮಕೃಷ್ಣ:.jpeg)
ಜಂಗಲ್ ಬುಕ್:
ಮಕ್ಕಳ ಕಥೆ ಎಂದಾಗ ತಕ್ಷಣ ನೆನೆಪಿಗೆ ಬರುವುದು ತೆನಾಲಿ ರಾಮನ ಹೆಸರು. 16ನೇ ಶತಮಾನದಲ್ಲಿ ವಿಜಯನಗರ ಸಾಮ್ರಾಜ್ಯದ ಆಳ್ವಿಕೆಯಲ್ಲಿ ಹೆಸರಾಗಿದ್ದ ತೆನಾಲಿ ರಾಮ, ಬುದ್ಧಿವಂತ, ಅದ್ಭುತ ಹಾಸ್ಯಪ್ರಜ್ಞೆಯುಳ್ಳ ವ್ಯಕ್ತಿ ಪ್ರತಿಯೊಂದು ಸಮಸ್ಯೆಯನ್ನೂ ಬುದ್ಧಿವಂತಿಕೆಯಿಂದ ತೆನಾಲಿ ರಾಮ ಪರಿಹರಿಸುತ್ತಾರೆ ತೆನಾಲಿ ರಾಮನ ಕಥೆಗಳನ್ನು ಓದಿದ್ರೆ ಅಥವಾ ಕೇಳಿದ್ರೆ ಮಕ್ಕಳ ಬುದ್ಧಿ ಚುರುಕಾಗೋದ್ರಲ್ಲಿ ಎರಡು ಪ್ರಶ್ನೆಯಿಲ್ಲ. ಹಾಗೆಯೇ ಸವಾಲುಗಳನ್ನು ಹೇಗೆ ಎದುರಿಸಬೇಕು ಎಂಬುದನ್ನು ಮಕ್ಕಳು ಇವನಿಂದ ಕಲಿಯುತ್ತಾರೆ.
ಪಂಚತಂತ್ರದ ಕಥೆಗಳು:
ಇದು ಕೂಡ ಹೆಚ್ಚು ಪ್ರಸಿದ್ಧಿ ಪಡೆದ ಕಥೆ ಪುಸ್ತಕವಾಗಿದೆ. ಇದ್ರಲ್ಲಿ ಮಕ್ಕಳು ತಿಳಿದುಕೊಳ್ಳಬಹುದಾದ ಅನೇಕ ಕಥೆಗಳಿವೆ. ಇದ್ರಲ್ಲಿ ಹಾಸ್ಯ ಕಥೆಗಳಿಂದ ಹಿಡಿದು ಗಂಭೀರ ಸಮಸ್ಯೆಗಳಿರುವ ಕಥೆಗಳಿವೆ. ಪಾಲಕರು ಮಕ್ಕಳಿಗೆ ಓದುವ ಹವ್ಯಾಸವನ್ನು ಬೆಳೆಸಿದ್ರೆ ಮಕ್ಕಳು ನಿಧಾನವಾಗಿ ಇಂಥ ಪುಸ್ತಕಗಳನ್ನು ಓದಲು ಶುರು ಮಾಡ್ತಾರೆ.
ಡಿಂಗನ ಕಥೆಗಳು:
ಬಾಲಮಂಗಳದಲ್ಲಿ ಬರ್ತಿದ್ದ ಡಿಂಗನ ಕಥೆಗಳು ಕೂಡ ಮಕ್ಕಳನ್ನು ಆಗಿನ ಕಾಲದಲ್ಲಿ ಹೆಚ್ಚು ಆಕರ್ಷಿಸಿದ್ದವು. ಅನೇಕರು ಈಗ್ಲೂ ಆ ಕಥೆಗಳನ್ನು ಸಂಗ್ರಹಿಸಿಟ್ಟುಕೊಂಡಿದ್ದಾರೆ. ಅದು ಕೂಡ ಮಕ್ಕಳ ಜ್ಞಾನ ಹೆಚ್ಚಿಸುವ ಜೊತೆಗೆ ಮಕ್ಕಳಿಗೆ ಮನರಂಜನೆ ನೀಡುತ್ತದೆ.
ಶಕ್ತಿಮಾನ್:
ಟಿವಿಯಲ್ಲಿ ಪ್ರಸಾರವಾಗ್ತಿದ್ದ ಪ್ರಸಿದ್ಧ ಧಾರಾವಾಹಿಗಳಲ್ಲಿ ಶಕ್ತಿಮಾನ್ ಕೂಡ ಒಂದು. 25 ವರ್ಷಗಳ ಹಿಂದೆ ಶಕ್ತಿಮಾನ್ ಹೆಸರು ಕೇಳ್ತಿದ್ದಂತೆ ಮಕ್ಕಳು ಉತ್ಸಾಹದಿಂದ ಕುಣಿಯುತ್ತಿದ್ದರು. ಇದು ಕೂಡ ಹಾಸ್ಯಬರಿತ ಸಾಹಸವನ್ನು ಹೊಂದಿರುವ ಕಥೆಯಾಗಿದೆ.
.jpeg)
ಇದು ಕೂಡ ಟಿವಿಯಲ್ಲಿ ಪ್ರಸಾರವಾಗ್ತಿದ್ದ ಕಥೆಯಾಗಿದೆ. ಇದ್ರಲ್ಲಿ ಮೂಂಗ್ಲಿ ಎಲ್ಲರ ಗಮನ ಸೆಳೆದಿದ್ದ. ಜಂಗಲ್ ಬುಕ್ ಸಿನಿಮಾ ಕೂಡ ಬಂದಿದೆ. ಇದನ್ನು ನೀವು ಮಕ್ಕಳಿಗೆ ತೋರಿಸ್ಬಹುದು. ಕಾಡು ಪ್ರಾಣಿಗಳು, ಅಲ್ಲಿ ಬರುವ ಸಂಕಷ್ಟವನ್ನು ಹೇಗೆ ಎದುರಿಸಬೇಕು ಎಂಬೆಲ್ಲ ವಿಷ್ಯ ಇದ್ರಲ್ಲಿದೆ.