ತಂದೆ, ತಾಯಿ ಇಬ್ಬರು ಕಂಪ್ಯೂಟರ್ ಹಿಡಿದು ತಮ್ಮದೇ ಕೆಲಸದಲ್ಲಿ ಕುಳಿತುಕೊಂಡಗ ಮಕ್ಕಳನ್ನು ನೋಡಿಕೊಳ್ಳುವುದು ಒಂದು ಸವಾಲಾಗಿ ಬಿಡುತ್ತದೆ. ಅವರ ಕಡೆ ಹೆಚ್ಚು ಗಮನ ಕೊಡದೆ ಇದ್ದಾಗ ಮಕ್ಕಳು ತಮಗರಿವಿಲ್ಲದೆ ಬಿದ್ದು ಗಾಯ ಮಾಡಿಕೊಳ್ಳಬಹುದು. ಇದನ್ನು ತಡೆಯಲು ಮಕ್ಕಳು ಇಷ್ಟಪಡುವ ದಾರಿಯಲ್ಲಿ ಅವರನ್ನು ಹತೋಟಿಗೆ ತರಲು ಇಲ್ಲಿದೆ ಸರಳ ಉಪಾಯ.
ಪುಟ್ಟ ಮಕ್ಕಳಿಗೆ ತಾವೇನು ಮಾಡುತ್ತಿದ್ದೇವೆ
ಎಂಬುದರ ಅರಿವಿರುವುದಿಲ್ಲ. ಅವು ಯಾವ ದಾರಿಯಲ್ಲಿ ನಡೆಯಬೇಕು, ಯಾವುದು ಒಳ್ಳೆಯದು ಎಂಬುದು ಕಲಿಯಬೇಕಾದ
ವಯಸ್ಸು ಇದಾಗಿರುತ್ತದೆ. ಇಂಥ ಸಮಯದಲ್ಲಿ ಅವುಗಳ ಗಮನ ಬೇರೆಡೆಗೆ ಹೋಗದೆ ಕ್ರಿಯಾಶೀಲ ಕೆಲಸದಲ್ಲಿ ತೊಡಗುವಂತೆ
ಮಾಡುವ ಜವಾಬ್ದಾರಿ ಪೋಷಕರದ್ದು. ತಂದೆ-ತಾಯಿ ಹೇಗೆ ವರ್ತಿಸುತ್ತಾರೆ ಅದನ್ನೇ ನೋಡಿ ಮಕ್ಕಳು ಕಲಿಯುತ್ತಾರೆ.
ಹೀಗಿರುವಾಗ ನೀವು ನಿಮ್ಮ ವರ್ತನೆಯ ಬಗ್ಗೆ ಹೆಚ್ಚು ಗಮನ ಕೊಡಬೇಕು.
ಟಿವಿ, ಟ್ಯಾಬ್ ಹಾಗೂ ಮೊಬೈಲ್:
ನೀವು ಆಫೀಸಿನ ಕೆಲಸದಲ್ಲಿ ಬ್ಯುಸಿ ಆಗಿದ್ದರೆ ಮಕ್ಕಳು
ಅವರ ಪಾಡಿಗೆ ಟಿವಿ, ಮೊಬೈಲ್ ಅಥವಾ ಟ್ಯಾಬ್ ಹಿಡಿದು
ಕುಳಿತು ಬಿಡಬಹುದು. ಇಷ್ಟು ಸಣ್ಣ ವಯಸ್ಸಿನಲ್ಲಿಯೇ ಇದಯಲ್ಲಾ ಒಳ್ಳೆಯ ಅಭ್ಯಾಸವಲ್ಲ. ಒಮ್ಮೆ ಅವರು
ಟಿವಿ, ಟ್ಯಾಬ್ ಹಾಗೂ ಮೊಬೈಲ್‌ನ ಮೇಲೆ ಅವಲಂಬಿತರಾದರೆ ಅದರಿಂದ ಹೊರತರುವುದು ಸ್ವಲ್ಪ ಕಷ್ಟವೇ. ಇವುಗಳಿಂದ
ಮಕ್ಕಳ ಕಣ್ಣಿಗೆ ತೊಂದರೆಯಾಗಬಹುದು. ತಮ್ಮ ಕ್ರಿಯಾಶೀಲತೆಯನ್ನು ಕಳೆದುಕೊಳ್ಳಬಹುದು. ಅಷ್ಟೇ ಅಲ್ಲದೆ
ಆರೋಗ್ಯಕ್ಕೂ ಒಳ್ಳೆಯದಲ್ಲ.
ಆಟದ ಮೂಲಕ ಅವರ ಯೋಚನೆಗಳಿಗೆ
ಶಕ್ತಿ ತುಂಬಿ:
ಮುಂದೆ ನಿಮ್ಮ ಮಕ್ಕಳು ಯಾವ ದಾರಿ ಹಿಡಿಯಬಹುದು ಎಂಬುದರ ಪರಿಚಯ ಮಾಡಿಕೊಳ್ಳಲು ಇದು ಸರಿಯಾದ ಅವಕಾಶ.
ನಿಮ್ಮ ಮಕ್ಕಳು ಕಥೆ ಹೇಳುವುದು ಇಲ್ಲವೇ ಹೊಸ ಆವಿಷ್ಕಾರ ಮಾಡುವ ಕಲೆಯನ್ನು ಹೊಂದಿರಬಹುದು. ಇದಕ್ಕಾಗಿ
ನಿಮ್ಮ ಮಕ್ಕಳು ಯಾವುದೋ ಒಂದು ಘಟನೆಯನ್ನು ತಮ್ಮ ಆಲೋಚನೆಯ ಪ್ರಕಾರ ನಟಿಸಲು ಹೇಳಬಹುದು ಅಥವಾ ತಮ್ಮ
ಗೊಂಬೆಗಳೊಂದಿಗೆ ಯಾವ ರೀತಿಯ ಕಥೆಯನ್ನು ಹೆಣೆದು ಆಟವಾಡುತ್ತಿದ್ದಾರೆ ಎಂಬುದನ್ನು ಗಮನಿಸಿಕೊಳ್ಳುವುದು
ಇದೂ ಅಲ್ಲದೆ ಅವರು ನೋಡಿದ ಯಾವುದೇ ಸಿನಿಮಾವನ್ನು ಅಭಿನಯಿಸುವಂತೆ ಪ್ರೋತ್ಸಾಹ ನೀಡುವುದು - ಹೀಗೆ
ಅವರಲ್ಲಿರುವ ಕಲೆಯನ್ನು ಹೊರ ಹಾಕುವುದಕ್ಕೆ ನೀವು ಬೆಂಬಲಿಸಬೇಕು.
ಪಜಲ್ಗಳನ್ನು ಬಿಡಿಸಲು ತಿಳಿಸುವುದು:
ನೀವು ಸಣ್ಣವರಿದ್ದಾಗ ನಿಮ್ಮ ಹಿರಿಯರು ಕೇಳುತ್ತಿದ್ದ ಒಗಟುಗಳನ್ನು ನಿಮ್ಮ ಪುಟ್ಟ ಮಕ್ಕಳಿಗೆ ಕೇಳಿ
ಅದನ್ನು ಬಿಡಿಸಲು ಹೇಳಬಹುದು. ಇದಕ್ಕೆ ಸಮಯವಿಲ್ಲವೆಂದರೆ ದೊಡ್ಡ ಪಜಲ್ಗಳನ್ನು ಅವರಿಗೆ ನೀಡಿ ಹೆಚ್ಚು
ಸಮಯದ ತನಕ ಮಕ್ಕಳು ಅದೇ ಕೆಲಸದಲ್ಲಿ ಮಗ್ನರಾಗಿರುವ ಹಾಗೆ ನೋಡಿಕೊಳ್ಳಬಹುದು. ಹೀಗೆ ಮಾಡುವುದರಿಂದ ನಿಮ್ಮ ಮಗುವಿಗೆ ಆಟವಾಡಿದ ಖುಷಿಯೂ
ಸಿಗುತ್ತದೆ ಜೊತೆಗೆ ಅವರ ಕ್ರಿಯಾಶೀಲತೆ ಹಾಗೂ ಬುದ್ಧಿವಂತಿಕೆ ಕೂಡ ಹೆಚ್ಚುತ್ತದೆ.
ಮಣ್ಣಿನಲ್ಲಿ ಆಟವಾಡಲು ಬಿಡಿ:
ಜೇಡಿಮಣ್ಣು ಆರೋಗ್ಯದ ದೃಷ್ಟಿಯಿಂದಲೂ ಬಹಳ ಉಪಯೋಗವನ್ನು ಹೊಂದಿದೆ. ಮಣ್ಣಿನಲ್ಲಿ ಆಟವಾಡಿದರೆ ಬಟ್ಟೆ
ಕೊಳೆ ಆಗುತ್ತದೆ ಎಂದು ಯೋಚಿಸುವುದನ್ನು ಬಿಟ್ಟು ನಿಮ್ಮ ಮಕ್ಕಳ ಪುಟ್ಟ ಮೆದುಳಿನಲ್ಲಿ ಆಲೋಚನೆಗಳು
ಹಾಗೂ ಕ್ರಿಯಾಶೀಲತೆ ಹೆಚ್ಚಿಸುವ ಕಡೆ ಗಮನ ಕೊಡಿ. ಮಕ್ಕಳು ತಾವು ನೋಡಿದ ಪ್ರಾಣಿಯನ್ನು, ಚಿತ್ರಗಳನ್ನು
ಅಥವಾ ಹಕ್ಕಿಗಳು ಹೀಗೆ ತಮ್ಮ ಯೋಚನೆಗಳ ಅನುಸಾರವಾಗಿ
ಮಣ್ಣಿನಲ್ಲಿ ಗೊಂಬೆಗಳನ್ನು ಮಾಡಲು ಹೇಳಿ ಕೊಡಿ. ಪುಟ್ಟ
ಮಕ್ಕಳು ತಾವು ನೋಡಿದ್ದೆಲ್ಲ ಬಾಯಿಗೆ ಹಾಕಿಕೊಳ್ಳುವ ಅಭ್ಯಾಸ ಹೊಂದಿರುತ್ತಾರೆ. ಮಣ್ಣಿನಲ್ಲಿ ಆಟವಾಡುವಾಗ ಕೂಡ ಮಣ್ಣನ್ನು ಬಾಯಿಗೆ ಹಾಕಿಕೊಳ್ಳುವ
ಸಾಧ್ಯತೆಯಿರುತ್ತದೆ. ಇದರಿಂದ ಚಿಂತಿಸುವ ಅಗತ್ಯವಿಲ್ಲ.
ಮಣ್ಣು ದೇಹಕ್ಕೂ ಕೂಡ ಒಳ್ಳೆಯದು.
ಇನ್ನೊಂದು ಉಪಾಯವೆಂದರೆ ಆಹಾರ
ತಯಾರಿಸಲು ಬಳಸುವ ಬಣ್ಣವನ್ನು ಗೋಧಿ ಹಿಟ್ಟಿನೊಂದಿಗೆ ಕಲಸಿ ಆಟವಾಡಲು ನೀಡಬಹುದು. ಇದರಿಂದ ಮಕ್ಕಳು
ಹಿಟ್ಟನ್ನು ಬಾಯಿಗೆ ಹಾಕಿಕೊಂಡಾಗಲು ಯಾವುದೇ ತೊಂದರೆ ಇರುವುದಿಲ್ಲ. ನಿಮ್ಮ ಸುತ್ತಮುತ್ತ ಮಣ್ಣು ಸಿಗದೇ
ಇದ್ದರೆ ಈ ರೀತಿ ಮಾಡಬಹುದು