ಅಸುರಕ್ಷಿತ ಲೈಂಗಿಕ ಪ್ರಕ್ರಿಯೆಯಿಂದ ಅಪಾಯ ಎನ್ನುವ ಕಾರಣಕ್ಕೆ ಅನೇಕರು ಓರಲ್ ಸೆಕ್ಸ್ಗೆ ಆದ್ಯತೆ ನೀಡುತ್ತಾರೆ. ಆದರೆ, ಇದು ಕೂಡ ಅಪಾಯವಂತೆ. ಅದು ಹೇಗೆ ಎಂಬುದಕ್ಕೆ ಇಲ್ಲಿದೆ ಮಾಹಿತಿ.
ಹ್ಯೂಮನ್ ಪ್ಯಾಪಿಲೋಮ ವೈರಸ್ (ಎಚ್ಪಿವಿ) ಎಂಬುದು ಒಂದು ಕ್ಯಾನ್ಸರ್ ಕಾರಕ. ಅತಿಯಾಗಿ ಸಿಗರೇಟ್ ಸೇದುವುದರಿಂದ ಹೇಗೆ ಬಾಯಿ ಕ್ಯಾನ್ಸರ್ ಬರುತ್ತದೆಯೋ, ಹಾಗೆಯೇ ಎಚ್ಪಿವಿ ಇನ್ಫೆಕ್ಷನ್ನಿಂದ ಬಾಯಿ ಕ್ಯಾನ್ಸರ್ ಬರುತ್ತದೆ. ವ್ಯಕ್ತಿಯಲ್ಲಿ ಈ ವೈರಸ್ ಇರುವ ವಿಚಾರ ಬಹುಬೇಗ ತಿಳಿಯುವುದಿಲ್ಲ.
ಬಹುತೇಕ ಪ್ರಕರಣಗಳಲ್ಲಿ ಈ ವೈರಸ್ ದೇಹ ಪ್ರವೇಶಿಸಿದರೂ ನಮ್ಮ ರಕ್ಷಣಾ ವ್ಯವಸ್ಥೆ ಅದನ್ನು ನಾಶ ಮಾಡಿ ಬಿಡುತ್ತದೆ. ಒಂದೊಮ್ಮೆ ನಾಶವಾಗದಿದ್ದರೆ, ಅದು ಕ್ಯಾನ್ಸರ್ ಆಗಿ ಮಾರ್ಪಾಡಾಗುತ್ತದೆ. ಓರಲ್ ಸೆಕ್ಸ್ ವೇಳೆ ಈ ವೈರಸ್
ಸಂಗಾತಿಯ ದೇಹ ಪ್ರವೇಶಿಸುವ ಸಾಧ್ಯತೆ ಇರುತ್ತದೆ ಎನ್ನುತ್ತದೆ ಅಧ್ಯಯನ.
ಓರ್ವ ವ್ಯಕ್ತಿ ಆರು ಅಥವಾ ಆರಕ್ಕಿಂತ ಹೆಚ್ಚು ಮಹಿಳೆಯರ ಜೊತೆ ಲೈಂಗಿಕ ಸಂಪರ್ಕ ಹೊಂದಿ, ಅವರ ಜೊತೆ ಓರಲ್ ಸೆಕ್ಸ್ ಮಾಡಿದರೆ ಅಪಾಯ ಕಟ್ಟಿಟ್ಟ ಬುತ್ತಿಯಂತೆ. “ಗುಪ್ತಾಂಗಕ್ಕೆ ಬಾಯಿ ಸ್ಪರ್ಶ ಮಾಡುವುದು ಲೈಂಗಿಕ ಪ್ರಕ್ರಿಯೆ ಎಂದು ಪರಿಗಣಿಸಲಾಗುವುದಿಲ್ಲ ಎಂಬುದು ಅನೇಕರ ಭಾವನೆ. ಆದರೆ ಇದು ನಿಜಕ್ಕೂ ಅಪಾಯ”ಎನ್ನುತ್ತಾರೆ ವೈದ್ಯರು.