ಅತಿಯಾಗಿ ಕಲ್ಲಂಗಡಿ ಹಣ್ಣು ತಿಂದರೆ ಹಿಂಗೆಲ್ಲಾ ಆಗುತ್ತಂತೆ!

ಬೇಸಿಗೆಯ ಬಿಸಿಲಿಗೆ ಕಂಗೆಟ್ಟು ಹೋಗಿರುವ ನಮಗೆ ನಿಸರ್ಗದಿಂದ ಆಗಾಗ ಪರಿಹಾರಗಳು ಸಿಗುತ್ತಾ ಇರುತ್ತವೆ. ಅದರಲ್ಲಿ ದೇಹಕ್ಕೆ ತಂಪು ಎನ್ನುವ ಕಲ್ಲಂಗಡಿ ಹಣ್ಣು ಕೂಡ ಒಂದು. ಕಲ್ಲಂಗಡಿ ಹಣ್ಣನ್ನು ಎಲ್ಲರೂ ಇಷ್ಟಪಟ್ಟು ತಿನ್ನುತ್ತೇವೆ ಜೊತೆಗೆ ಈ ಸಂದರ್ಭದಲ್ಲಿ ನಮಗೆ ಇದು ಅವಶ್ಯಕ ಕೂಡ.

ಆದರೆ ದೇಹಕ್ಕೆ ಯಾವ ಪ್ರಮಾಣದಲ್ಲಿ ಯಾವ ಆಹಾರ ಬೇಕು ಎನ್ನುವುದರ ಅನುಸಾರ ನಾವು ತಿನ್ನಬೇಕು. ಇಲ್ಲದಿದ್ದರೆ ಅದರಿಂದ ಆರೋಗ್ಯದ ಅಡ್ಡ ಪರಿಣಾಮಗಳನ್ನು ಎದುರಿಸಬೇಕಾಗುತ್ತದೆ. ಕಲ್ಲಂಗಡಿ ಹಣ್ಣಿನ ವಿಚಾರದಲ್ಲಿ ಕೂಡ ಇದೇ ಆಗುತ್ತದೆ. ಹೆಚ್ಚಾಗಿ ಕಲ್ಲಂಗಡಿ ಹಣ್ಣು ತಿನ್ನಲು ಹೋದರೆ ಈ ಕೆಳಗಿನ ಆರೋಗ್ಯ ಸಮಸ್ಯೆಗಳು ಎದುರಾಗುತ್ತವೆ.

ಅಜೀರ್ಣತೆ ಮತ್ತು ಭೇದಿ:

. ಕಲ್ಲಂಗಡಿ ಹಣ್ಣಿನಲ್ಲಿ ನಿಮಗೆಲ್ಲ ಗೊತ್ತಿರುವ ಹಾಗೆ ನೀರಿನ ಅಂಶ ಬೇಕಾದಷ್ಟಿದೆ. ಇದರ ಜೊತೆಗೆ ನಾರಿನ ಪ್ರಮಾಣ ಕೂಡ ಅಷ್ಟೇ ಹೆಚ್ಚಾಗಿದೆ ಎಂದು ಹೇಳುತ್ತಾರೆ.

. ಕಲ್ಲಂಗಡಿ ಹಣ್ಣನ್ನು ಹೆಚ್ಚಾಗಿ ಸೇವಿಸುವುದರಿಂದ ಹೊಟ್ಟೆ ಉಬ್ಬರ, ಗ್ಯಾಸ್ಟ್ರಿಕ್, ಅಜೀರ್ಣತೆ ಸಮಸ್ಯೆಯ ಜೊತೆಗೆ ಲೂಸ್ ಮೋಷನ್ ಕೂಡ ಉಂಟಾಗಬಹುದು. ಏಕೆಂದರೆ ಕಲ್ಲಂಗಡಿ ಹಣ್ಣಿನಲ್ಲಿ ಸಾರ್ಬಿಟಲ್ ಎನ್ನುವ ಸಿಹಿ ಅಂಶವಿದ್ದು, ಇದು ಈ ಸಮಸ್ಯೆಗೆ ಪ್ರಮುಖ ಕಾರಣವಾಗುತ್ತದೆ.

ಲಿವರ್ ಉರಿಯುತ ಬರಬಹುದು:

. ನಮ್ಮ ದೇಹದಲ್ಲಿ ಅತ್ಯಂತ ಪ್ರಮುಖವಾದ ಮತ್ತು ದೊಡ್ಡ ದಾದ ಅಂಗ ಎಂದರೆ ಅದು ಲಿವರ್. ಹೆಚ್ಚಿನ ಪ್ರಮಾಣದಲ್ಲಿ ಕಲ್ಲಂಗಡಿ ಹಣ್ಣು ಸೇವಿಸುವುದರಿಂದ ತಜ್ಞರ ಪ್ರಕಾರ ಲಿವರ್ ಉರಿಯುತ ಎದುರಾಗಬಹುದು.

. ಯಾರು ಹೆಚ್ಚಾಗಿ ಆಲ್ಕೋಹಾಲ್ ಸೇವಿಸುತ್ತಾರೆ ಅವರು ಕಲ್ಲಂಗಡಿ ಹಣ್ಣು ಪದೇ ಪದೇ ತಿನ್ನುವುದರಿಂದ ಈ ರೀತಿ ಆಗುತ್ತದೆ ಎಂದು ಹೇಳುತ್ತಾರೆ.

. ಕಲ್ಲಂಗಡಿ ಹಣ್ಣಿನಲ್ಲಿ ಹೆಚ್ಚಿನ ಪ್ರಮಾಣದ ಲೈಕೋಪಿನ್ ಇರುವುದರಿಂದ ಅದು ನಮ್ಮ ಲಿವರ್ ಮೇಲೆ ನಕಾರಾತ್ಮಕ ಪ್ರಭಾವ ಉಂಟು ಮಾಡಿ, ಲಿವರ್ ಉರಿಯುತಕ್ಕೆ ಕಾರಣವಾಗುತ್ತದೆ.

ಓವರ್ ಹೈಡ್ರೇಶನ್ ಸಮಸ್ಯೆ:

. ನಮ್ಮ ದೇಹದಲ್ಲಿ ನೀರಿನ ಪ್ರಮಾಣ ಮೂಳೆಗಳಿಗೆ ಹಾಗೂ ಮಾಂಸ ಖಂಡಗಳಿಗೆ ಹೋಲಿಸಿದರೆ ಮುಕ್ಕಾಲು ಪಾಲು ಇದೆ ಎಂದು ಹೇಳುತ್ತಾರೆ.

. ಕಲ್ಲಂಗಡಿ ಹಣ್ಣು ಸೇವಿಸುವುದರಿಂದ ಹೆಚ್ಚಿನ ಪ್ರಮಾಣದಲ್ಲಿ ನಮ್ಮ ದೇಹಕ್ಕೆ ನೀರು ಸಿಕ್ಕಂತೆ ಆಗುತ್ತದೆ. ಈ ರೀತಿ ಆದರೆ ಅದನ್ನು ಓವರ್ ಹೈಡ್ರೇಷನ್ ಎಂದು ಕರೆಯುತ್ತಾರೆ. ಇದರಿಂದ ನಮ್ಮ ದೇಹದಿಂದ ಹೆಚ್ಚಿನ ಪ್ರಮಾಣದ ಸೋಡಿಯಂ ಪ್ರಮಾಣ ನಷ್ಟವಾಗುವ ಸಾಧ್ಯತೆ ಇರುತ್ತದೆ.

ಹೃದಯ ರಕ್ತನಾಳದ ಕಾಯಿಲೆಗಳು:

. ಕಲ್ಲಂಗಡಿ ಹಣ್ಣಿನಲ್ಲಿ ಪೊಟ್ಯಾಶಿಯಂ ಪ್ರಮಾಣ ಹೆಚ್ಚಾಗಿ ರುವುದರಿಂದ ನಮ್ಮ ದೇಹದ ವಿವಿಧ ಕಾರ್ಯ ಚಟುವಟಿಕೆ ಗಳಲ್ಲಿ ಇದು ಭಾಗಿಯಾಗುತ್ತದೆ.

. ಹೆಚ್ಚಿನ ಪ್ರಮಾಣದಲ್ಲಿ ನಮ್ಮ ದೇಹಕ್ಕೆ ಪೊಟ್ಯಾಶಿಯಂ ಸಿಗುವುದರಿಂದ ಹೃದಯದ ಬಡಿತ ಏರುಪೇರು ಆಗುವುದು ಸಹಜ. ಈ ಸಂದರ್ಭದಲ್ಲಿ ಹೃದಯ ರಕ್ತನಾಳದ ಕಾಯಿಲೆಗಳು ಬರಬಹುದಾದ ಚಾನ್ಸ್ ಜಾಸ್ತಿ ಇರುತ್ತದೆ.

ರಕ್ತದಲ್ಲಿ ಗ್ಲುಕೋಸ್ ಹೆಚ್ಚುತ್ತೆ:

ತುಂಬಾ ಜನರಿಗೆ ಅದರಲ್ಲೂ ಈಗಾಗಲೇ ಸಕ್ಕರೆ ಕಾಯಿಲೆ ಇರುವವರಿಗೆ ಕಲ್ಲಂಗಡಿ ಹಣ್ಣು ಆಗಿ ಬರುವುದಿಲ್ಲ. ಅಂದರೆ ಹೆಚ್ಚಿನ ಪ್ರಮಾಣದಲ್ಲಿ ಕಲ್ಲಂಗಡಿ ಹಣ್ಣು ಸೇವಿಸುವುದರಿಂದ ರಕ್ತದಲ್ಲಿ ಗ್ಲುಕೋಸ್ ಪ್ರಮಾಣ ಹೆಚ್ಚಾಗುತ್ತದೆ. ಏಕೆಂದರೆ ಕಲ್ಲಂಗಡಿ ಹಣ್ಣಿನ ಸಿಹಿ ಸೂಚ್ಯಂಕ 72 ಇದೆ.