ಒಂದು ತಿಂಗಳು ಇಟ್ಟು ಸವಿಯಬಹುದು ಮಸಾಲ ಶೇಂಗಾ! ಮಾಡೋದು ಹೇಗೆ?

ಸಂಜೆ ವೇಳೆ ಸ್ನ್ಯಾಕ್ಸ್ ತಿನ್ನೋದು ಹಲವರ ಅಭ್ಯಾಸ. ಹೀಗಾಗಿ ಬಹುಪಾಲು ಮಂದಿ ಸಂಜೆ ವೇಳೆ ರಸ್ತೆ ಬದಿ ತಿಂಡಿ ತಿನ್ನುವ ಅಭ್ಯಾಸ ಸಹ ಇಟ್ಟುಕೊಂಡಿರುತ್ತಾರೆ. ಮತ್ತೆ ಕೆಲವರು ಮನೆಯಲ್ಲೇ ಮಾಡಿ ಸವಿಯಲು ಮುಂದಾಗುತ್ತಾರೆ. ಅದರಲ್ಲೂ ಮಕ್ಕಳಂತು ಈ ಕರಿದ ತಿಂಡಿಗಳ ಇಷ್ಟಪಡುತ್ತಾರೆ. ಮನೆಯಲ್ಲಿ ಮಾಡುವ ತಿಂಡಿಯನ್ನ ಊಟ ಮಾಡದೆ ಅದನ್ನೇ ಸವಿಯುತ್ತಾರೆ. ಕರಿದ ಮಸಾಲೆ ಶೇಂಗಾ ಅಂದ್ರೆ ಎಲ್ಲಾ ವಯಸ್ಸಿನವರಿಗೂ ಅಚ್ಚುಮೆಚ್ಚು. ಖಾರ ಖಾರವಾಗಿ ಸಂಜೆ ವೇಳೆ ಸವಿಯಲು ಇದ್ದರೆ ತಿನ್ನುತ್ತಲೇ ಇರುತ್ತಾರೆ.

ಈ ಮಸಾಲೆ ಶೇಂಗಾ ಬೇಕರಿಯಲ್ಲಿ ಹಾಗೂ ಅಂಗಡಿಯಲ್ಲಿ ಪ್ಯಾಕ್ ಮಾಡಿ ನೀಡಲಾಗುತ್ತದೆ. ಇದರ ರುಚಿಗೆ ಫಿದಾ ಆಗದವರೇ ಇಲ್ಲ. ಹಾಗಾದ್ರೆ ಈ ಮಸಾಲೆಯುಕ್ತ ಶೇಂಗಾವನ್ನ ಮನೆಯಲ್ಲಿ ಮಾಡುವುದು ಹೇಗೆ? 

ಮಸಾಲೆ ಶೇಂಗಾ ಮಾಡಲು ಬೇಕಾಗುವ ಪದಾರ್ಥಗಳು, ಮಸಾಲೆ ಶೇಂಗಾ ಮಾಡುವ ವಿಧಾನವೇನು ಎಂಬುದನ್ನು ನೋಡಿ. 

ಬೇಕಾಗುವ ಪದಾರ್ಥಗಳು: 

ಶೇಂಗಾ -250 ಗ್ರಾಮ್ 

ಎಣ್ಣೆ 

ಕರಿಬೇವು 

ಖಾರದ ಪುಡಿ 

ಗರಂ ಮಸಾಲ 

ಉಪ್ಪು 

ಮಸಾಲೆ ಶೇಂಗಾ ಮಾಡುವುದು ಹೇಗೆ ?

ಮೊದಲು ಒಂದು ಪಾನ್ ಅಥವಾ ಪಾತ್ರೆಯಲ್ಲಿ ಶೇಂಗಾವನ್ನು ಹಾಕಿಕೊಂಡು ಸಣ್ಣ ಉರಿಯಲ್ಲಿ ಕಾಯಿಸಿಕೊಳ್ಳಿ. ಸಿಪ್ಪೆ ಬಿಡುವಷ್ಟು ಹದದಲ್ಲಿ ಅದನ್ನು ಹುರಿದುಕೊಳ್ಳಬೇಕು. 2 ರಿಂದ 3 ನಿಮಿಷ ಹುರಿದರೆ ಸಾಕಾಗುತ್ತದೆ. ಬಳಿಕ ಒಲೆ ಆಫ್ ಮಾಡಿ ಶೇಂಗಾ ಬೀಜ ತಣ್ಣಗಾಗಲು ಬದಿಗಿಡಿ.

ಈಗ ರೆಡಿ ಮಾಡಿಕೊಂಡ ಖಾರವನ್ನು ಶೇಂಗಕ್ಕೆ ಹಾಕಿಕೊಂಡಿ ಚೆನ್ನಾಗಿ ಎಲ್ಲಾ ಶೇಂಗಾ ಖಾರದಲ್ಲಿ ಮುಳುಗುವಂತೆ ಕಲಸಿಕೊಳ್ಳಿ. ಕಲಸಿಕೊಂಡ ಬಳಿಕ ಖಾರ ಒಣಗಲು ಒಂದು 5 ನಿಮಿಷಗಳ ಕಾಲ ಬಿಡಿ. ಈಗ ಒಲೆ ಮೇಲೆ ಒಂದು ಪಾತ್ರೆ ಇಟ್ಟು 2 ನಿಮಿಷ ಬಿಟ್ಟು ಎಲ್ಲಾ ಶೇಂಗಾವನ್ನು ಅದಕ್ಕೆ ಹಾಕಿಕೊಳ್ಳಿ. ಉರಿ ಸಣ್ಣದಾಗಿರಲಿ. ಅದಕ್ಕೆ ಕರಿಬೇವಿನ ಎಲೆಗಳನ್ನು ಹಾಕಿಕೊಳ್ಳಿ. ಸಣ್ಣ ಉರಿಯಲ್ಲಿ 5 ರಿಂದ 8 ನಿಮಿಷದ ವರೆಗೂ ಚೆನ್ನಾಗಿ ಹುರಿದುಕೊಳ್ಳಿ. 

ಬಳಿಕ ರೆಡಿಯಾದ ಶೇಂಗಾವನ್ನು ತಣ್ಣಗಾಗಲು ಬಿಡಿ. ಇಷ್ಟಾದರೆ ನಿಮ್ಮ ಮುಂದೆ ಮಸಲಾ ಶೇಂಗಾ ಸವಿಯಲು ಸಿದ್ಧವಾಗುತ್ತದೆ. ನಿಮಗೆ ಎಷ್ಟು ಬೇಕೋ ಅಷ್ಟು ಖಾರ ಹಾಕಿಕೊಂಡು ಸವಿಯಬಹುದು. ಇದನ್ನು ಸಂಜೆಯ ಸ್ನ್ಯಾಕ್ಸ್ ವೇಳೆ ಸವಿಯಲು ರೆಡಿಯಾಗಿರುತ್ತದೆ. ಇದನ್ನು ಒಳ್ಳೆಯ ಸ್ಟೀಲ್ ಪಾತ್ರೆಯಲ್ಲಿ ಗಾಳಿಯಾಡದಂತೆ ಇಟ್ಟರೆ ಸುಮಾರು 1 ತಿಂಗಳ ಕಾಲ ಇಟ್ಟು ಸವಿಯಬಹುದು.