ಸೊಳ್ಳೆಗಳನ್ನು ತಡೆಗಟ್ಟಲು ಅನೇಕ ಮಂದಿ ಕಾಯಿಲ್, ಧೂಪದ್ರವ್ಯದ ಕಡ್ಡಿಗಳು ಮತ್ತು ಮಸ್ಕಿಟೋ ಲಿಕ್ವೆಡ್ ಅನ್ನು ಬಳಸುತ್ತಾರೆ. ಆದರೆ ಇವುಗಳಲ್ಲಿರುವ ರಾಸಾಯನಿಕ ವಾಸನೆಯು ನಮ್ಮ ಆರೋಗ್ಯಕ್ಕೆ ಹಾನಿಕಾರಕವಾಗಿದೆ. ಇವು ಉಸಿರಾಟದ ಸಮಸ್ಯೆ ಮತ್ತು ತಲೆನೋವಿನಂತಹ ಸಮಸ್ಯೆಗಳನ್ನು ಉಂಟು ಮಾಡಬಹುದು.
ಇದಲ್ಲದೇ, ಈ ವಿಧಾನಗಳು ಸೊಳ್ಳೆಗಳನ್ನು ತಾತ್ಕಾಲಿಕವಾಗಿ ಮಾತ್ರ ಹಿಮ್ಮೆಟ್ಟಿಸುತ್ತದೆ. ಸ್ವಲ್ಪ ಸಮಯದ ನಂತರ ಸೊಳ್ಳೆಗಳ ಸಂಖ್ಯೆ ಮತ್ತೆ ಹೆಚ್ಚಾಗುತ್ತದೆ. ಸೊಳ್ಳೆಗಳು ಸಾಮಾನ್ಯವಾಗಿ ಮನೆಯ ಮೂಲೆಗಳಲ್ಲಿ, ಪೀಠೋಪಕರಣಗಳ ಕೆಳಗೆ ಮತ್ತು ಕತ್ತಲೆ ಸ್ಥಳಗಳಲ್ಲಿ ಅಡಗಿಕೊಂಡಿರುತ್ತವೆ.
ಆದ್ದರಿಂದ, ಅವುಗಳನ್ನು ಸಂಪೂರ್ಣವಾಗಿ ತೊಡೆದುಹಾಕಲು ನೈಸರ್ಗಿಕ, ಆರೋಗ್ಯಕರ ವಿಧಾನಗಳನ್ನು ಅನುಸರಿಸುವುದು ಉತ್ತಮ. ಅದರಲ್ಲೂ ಪ್ರಮುಖವಾಗಿ ಮನೆಯನ್ನು ಒರೆಸಲು ಬಳಸುವ ನೀರಿಗೆ ಕೆಲವು ನೈಸರ್ಗಿಕ ಪದಾರ್ಥಗಳನ್ನು ಸೇರಿಸಿ ಮನೆ ಒರೆಸುವ ಮೂಲಕ ನೀವು ಯಾವ ರೀತಿಯಲ್ಲೂ ಹೆಚ್ಚು ಶ್ರಮ ಪಡದೇ ಸೊಳ್ಳೆಗಳನ್ನು ತೊಡೆದು ಹಾಕಲು ಸಹಾಯ ಮಾಡುತ್ತದೆ.
ಈ ನೈಸರ್ಗಿಕ ವಿಧಾನಗಳು ಕಡಿಮೆ ವೆಚ್ಚದ್ದಾಗಿದ್ದರೂ, ಇದರಿಂದ ಯಾವುದೇ ಅಡ್ಡ ಪರಿಣಾಮಗಳಾಗುವುದಿಲ್ಲ ಮತ್ತು ಸೊಳ್ಳೆಗಳನ್ನು ತಾತ್ಕಾಲಿಕವಾಗಿ ಅಲ್ಲ, ದೀರ್ಘಕಾಲದವರೆಗೆ ದೂರವಿಡುತ್ತವೆ. ವಿಶೇಷವಾಗಿ, ಮಕ್ಕಳು, ವಯಸ್ಕರು ಮತ್ತು ಸಾಕುಪ್ರಾಣಿಗಳ ಆರೋಗ್ಯಕ್ಕೆ ಯಾವುದೇ ಹಾನಿ ಆಗುವುದಿಲ್ಲ.
ಆದ್ದರಿಂದ, ರಾಸಾಯನಿಕ ಸುರುಳಿಗಳು ಮತ್ತು ಯಂತ್ರಗಳ ಬದಲಿಗೆ ಈ ನೈಸರ್ಗಿಕ ಮನೆ ಮದ್ದನ್ನು ಬಳಸಿಕೊಂಡು ಮಳೆಗಾಲದಲ್ಲಿ ಸೊಳ್ಳೆಗಳ ಕಾಟವನ್ನು ಕಡಿಮೆ ಮಾಡಬಹುದು.